Sot mbahet konferenca “Ekipet e ndërmjetësimit në funksion të parandalimin të dhunës në shkolla” që organizohet nga Qendra e Kosovës për Arsim (KEC) dhe forumZFD me mbështetjen e UNICEF dhe Ministrisë së Arsimit, Shkencës dhe Teknologjisë.

Konferenca mbahet nga ora 09.30.

Qëllimi i kësaj konference është prezantimi i rezultateve të projektit “Parandalimi i dhunës ndaj fëmijëve” dhe rekomandimeve për hapat e mëtutjeshëm në këtë sektor.

Qendra për Arsim e Kosovës – KEC dhe forumZFD me përkrahjen e Zyrës së UNICEF në Kosovë dhe në bashkëpunim të ngushtë me Ministrinë e Arsimit, Shkencës dhe Teknologjisë – MASHT, përgjatë dy viteve kanë zbatuar projektin “Parandalimi i dhunës ndaj fëmijëve”.

Qëllimi i projektit ka qenë përkrahja e shkollave dhe komunave për të zbatuar Rregulloren QRK 21/2013 për Protokollin për parandalimin dhe referimin e dhunës në institucionet e arsimit para-universitar, përmes fuqizimit të kapaciteteve të shkollave dhe ngritjes së vetëdijes për ta trajtuar në mënyrën e duhur problemin e dhunës. Projekti ka mbështetur 70 shkolla për krijimin e Ekipeve të ndërmjetësimit mes bashkëmoshatarëve.